Bruid: Aldene Jenkins
Bruidegom: Shawn Jenkins
Liefdesverhaal: “Elke pot het sy deksel” iets wat mens dikwels hoor maar nie altyd glo nie, today jy jou deksel vind.
Ons het mekaar 9 jaar terug by ‘n gesellige kuier plek ontmoet, Shawn het perongeluk in my vas geloop en ons het begin gesels. Ons het dadelik ‘n konneksie gehad en ek het my nommer vir hom gegee, iets wat ek nie sommer doen nie. Na dit het ons verhouding vinnig ontwikkel, ons het lekker saam gelag, gegroei en die lewe verken.
Ons het in Desember 2022 verloof geraak en Augustus 2023 trou aan mekaar beloof, ‘n dag wat ons nooit sal vergeet nie.
Ons is vandag baie gelukkig getroud en verwelkom binnekort ons eerste dogtertjie.
Ons verhaal het begin met ‘n eenvoudige ontmoeting en gegroei in ‘n diep, tydlose liefde, iets waarvoor ons ewig dankbaar sal wees.
Spesiale oomblik van troudag: Ons het beslis ‘n hele paar spesiale oomblikke gehad, maar een van die mees spesiaalste was definitief toe ons oe die eerste keer ontmoet, voor ek by die onthaal ingeloop het. Dit was ‘n baie groot en spesiale oomblik om te weet dat ons liefde vir mekaar ons gelui het tot hierdie groot dag en dat ons lewe saam uiteindelik kon begin, iets waaroor ons al jare gedroom het.
Onthaalplek: Groenrivier Function Centre
Dorp/Stad: Riebeek West
Beskryf die troue in drie woorde: Onvergeetlik, Spesiaal, Asemrowend
Troudatum: 26/08/2023
Fotograaf: Escada Photography & Videography
