Bruid: Leoni de Bruin
Bruidegom: Tertius de Bruin
Liefdesverhaal: Snaakse storie: In November 2022 het ons albei op Hinge beland. Tertius het ‘n kommentaar op my foto gelos, en ek het gaan kyk wie hierdie oulike jong man is. Ek het gedink, hoekom nie ‘n kans waag op hierdie ou nie? Hy het vinnig laat weet dat hy nie daarvan hou om elektronies te gesels nie en eerder in persoon wou ontmoet. Soos ‘n ware gentleman het hy aangebied om na my toe te ry vir ons eerste date. Toe ek by die restaurant aankom, het ek hom eers nie sonder sy bril herken nie—ons lag nog steeds daaroor! ‘n Week later het hy my na ‘n Matthew Mole-konsert genooi, en die res is geskiedenis. Ons het binne twee weke mekaar se families ontmoet en was tien maande later verloof. Ek het uiteindelik my sielsgenoot en lewensmaat gevind.
Spesiale oomblik van troudag: Eerstens, om as bruid en bruidegom voor ons hemelse Vader te kom en ‘n ewige verbond te sluit, was vir ons spesiaal. En natuurlik, ons eerste dans was ‘n hoogtepunt. Ons deel ‘n diep passie vir ballroom- en Latynse dans, en om ons eie trou-dans saam te choreografeer en met ons geliefdes te deel, was onvergeetlik.
Onthaalplek: Christus Gemeinde Kirchdorf
Dorp/Stad: Wartburg, KwaZulu Natal
Beskryf die troue in drie woorde: Sprokiesagtig, Intiem, Geestelik
Troudatum: 17/02/2024
Fotograaf: JankaG Photography
