Bruid: Lume Fourie
Bruidegom: Wian Fourie
Liefdesverhaal: Ons storie begin in Lockdown waar ‘n vriendin my genooi het om Ultimate Frisbee te gaan speel.Nooit sou ek kon dink dat ek daai dag by ‘n frisbee oefening in ‘n klein dorpie in Limpopo my beste maatjie, sielsgenoot en trouman sou ontmoet nie.Ek het elke liewe frisbee misgevang daai dag,maar dis oraait, want ek het darem Wian se aandag gevang! 😉 Hy het my vir ‘n rukkie probeer help,maar later kon ons nie minder omgee oor die frisbee nie en het eerder net langs die baan gesels vir die res van die oefening.Hy het aanvankilik baie cool en nonchalant gespeel, maar ek was skaars by die huis toe het ek al ‘n boodskap van hom af wat vra of ek saam hom wil gaan koffie drink die volgende dag! Ons is van daai dag af onafskeidbaar en ek was nog nooit in my lewe so dankbaar vir ‘n frisbee nie 🤍
Spesiale oomblik van troudag: Ek en Wian het die oggend bymekaar gekom agter ‘n hoekie waar ons nie mekaar kon sien nie.Ons wou graag die oomblik inneem en net weer besef waaroor die dag eintlik gaan.Wat saakmaak is dat dit ONS dag is waar ons lewe as een begin.Ons het ‘n oomblik gevat om rustig te raak bymekaar en by God. Wian het oor ons en ons huwelik gebid en tot vandag toe is dit een van ons gunstelling herinneringe.
Onthaalplek: De Harte
Dorp/Stad: Pretoria
Beskryf die troue in drie woorde: Perfek, Makietie, Liefdevol
Troudatum: 22/07/2023
Fotograaf: Willow Ray Photography
