Bruid: Tamsin Scholtz
Bruidegom: Tian Scholtz
Liefdesverhaal: Volgens my man is hy al verlief op my sedert hy sestien jaar oud is. Tian was in Affies, 2009,en ek in Meisies Hoër in Pretoria. Ek het by sportsbyeenkomste my sogenaamde “back flips” gedoen en op een van daardie geleenthede het Tian vir sy vriende gesê, “Ek gaan nog eendag trou met “Boomerang Lang” (my noemnaam en nooiensvan) “. In 2014 het ek vir Emirates begin vlieg as lugwaardin en Tian het gewerk in Portugal op ‘n wynplaas. Ons het mekaar vlugtig gesien in Portugal op een van my tussenstoppe, maar dit was nie tot Augustus 2020 wat ons mekaar in Stellenbosch se strate raak geloop het en besef het ons vir mekaar bedoel is nie. Dit het lank geneem om bymekaar uit te kom, maar Tian het al vanaf Hoërskool geweet ek is die vrou vir vrou vir hom, en het toe uiteindelik in 2020 my hart gewen.
Spesiale oomblik van troudag: Terwyl al ons gaste in die onthaal gewag het vir ons om binne te kom vir die aankondiging as Meneer en Mevrou Scholtz, het ek en Tian alleen buite gesit en die ongelooflike uitsig en dag saam ingeneem. Dit was net voor skemer en dit het gevoel of dit net ons twee is op daardie oomblik. Dit is asof tyd stilgestaan het vir daardie oomblik.
Onthaalplek: Joubertsdal
Dorp/Stad: Swellendam
Beskryf die troue in drie woorde: Vreugdevol, Feestelik, Spontaan
Troudatum: 04/11/2023
Fotograaf: Coetzet Cooke
